ငြိမ်းချမ်းရေး အတွက် KIO က UNFC မဟာမိတ်များနှင့် တိုင်ပင်နေ

ချင်းမိုင် (မဇ္ဈိမ) ။ ။ ကချင်လွတ်မြောက်ရေးအဖွဲ့ (KIO) နှင့် မြန်မာအစိုးရ အကြား ပြုလုပ်နေသည့် ငြိမ်းချမ်းရေး
ဆွေးနွေးပွဲ အခြေအနေများနှင့် စပ်လျှင်း၍ KIO က တိုင်းရင်းသားလူမျိုးများ ဖက်ဒရယ်ကောင်စီ UNFC မဟာမိတ် အဖွဲ့ထံ အကြောင်းကြား တိုင်ပင်မှုများ ရှိသည်ဟု UNFC က ပြောသည်။

KIO ခေါင်းဆောင်များနှင့် UNFC အဖွဲ့ တာဝန်ရှိသူများ အကြား ငြိမ်းချမ်းရေး ဆွေးနွေးမှု အခြေအနေအရပ်ရပ်ကို တိုက်ရိုတ် ဆက်သွယ် တိုင်ပင်မှုများ ရှိကြောင်း UNFC အဖွဲ့ဝင်တဦးဖြစ်သည့် ခွန်ဥက္ကာက မဇ္ဈိမသို့ ယခုလိုပြောပြ သည်။

“ဖက်ဒရယ်ကောင်စီအဖွဲ့ဝင် ဆိုတော့ တာဝန်ရှိမှုအရ အားလုံး အကြောင်းကြားတာတို့ တိုင်ပင်တာတို့ရှိပါတယ်။ အပြီးသတ် သဘောတူပါ့မယ် ဆိုရင်လည်းပဲ သူတို့ချည်းပဲသက်သက် မဟုတ်ပဲနဲ့ စုပေါင်းပြီးတော့ ဖက်ဒရယ်
ကောင်စီ အဖွဲ့ဝင်တွေ ပါဝင်ဖို့ဆိုတဲ့ အဆိုပြုထားတာလဲ ရှိပါတယ်။” ဟု UNFC မဟာမိတ် အဖွဲ့ဝင်လည်း ဖြစ်သည့် ပအိုဝ့်လွတ်မြောက်ရေး အဖွဲ့ခေါင်းဆောင် ဗိုလ်မှူးကြီး ခွန်ဥက္ကာက ပြောသည်။ ထို့အပြင် ကချင်အဖွဲ့က “သူတို့ တဖွဲ့တည်း ငြိမ်းချမ်းရေး မယူသွားရန်” ကတိပေးထားသည် ဟုလည်း ၎င်းက ဆက်ပြောသည်။

ဇွန်လဆန်းမှ စတင်ခဲ့သည့် မြန်မာအစိုးရ နှင့် KIO အကြား တိုက်ခိုက်မှုများကို ပဏာမအဆင့် အနေဖြင့် အပစ် ရပ်စဲရန် “မူအားဖြင့်” သဘောတူညီသည့် အကြောင်း KIO ဖက်မှပြောဆိုချက် ပေါ်ထွက်ခဲ့ပြီးနောက် UNFC က ယခုလို ပြောဆိုလာခြင်း ဖြစ်သည်။

KIO ပြောရေးဆိုခွင့် ရှိသူ ဦးလနန် က လည်း “ကျနော်တို့ လုပ်နေတာက တနိုင်ငံလုံး အတိုင်းအတာနဲ့ အပစ်အခတ် ရပ်စဲရေးကို ရအောင် ဖော်ဆောင်နေတာပါ။ ကိုယ်လွတ်ရုံးတဲ့ ဟာမျိုး ကျနော်တို့ မလုပ်ပါဘူး” ဟု မဇ္ဈိမကို ပြောသည်။

KIO နှင့် UNFC တို့အကြား ဆက်သွယ် တိုင်ပင်မှု အသေးစိပ်ကို မိမိအနေဖြင့် ထုတ်ဖေါ်ပြောဆိုခွင့် မရှိသော်လည်း အစိုးရနှင့် အပစ်ခတ်ရပ်စဲရေး အတွက် KIO က တင်ပြသည့် ငြိမ်းချမ်းရေး စာချုပ်မူကြမ်းပါ အချက်အလက်များသည် UNFC ဖွဲ့စည်းပုံပါ အချက်အလက်များ နှင့် ညီညွတ်ကြောင်း ခွန်ဥက္ကာ က ပြောသည်။

KIO က မြန်မာအစိုးရ ကိုယ်စားလှယ်များထံ တင်ပြသည့်အချက်တွင် တနိုင်ငံလုံး အတိုင်းအတာဖြင့် ငြိမ်းချမ်းရေး
ဖော်ဆောင်ရန် ပါဝင်သည်။

ညီညွတ်သော တိုင်းရင်သားလူမျိုးများ ဖက်ဒရယ်ကောင်စီ - UNFC တွင် ကရင်အမျိုးသား အစည်းအရုံး၊
မွန်ပြည်သစ် ပါတီ ၊ ချင်းအမျိုးသား တပ်ဦး ၊ ကချင်လွတ်မြောက်ရေး အဖွဲ့ ၊ ကရင်နီအမျိုးသား တိုးတက်ရေး
ပါတီ နှင့် ရှမ်းပြည် တိုးတက်ရေးပါတီ တို့ ပါဝင်ပြီး ၂ဝ၁၁ ခုနှစ် ဖေဖေါ်ဝါရီလတွင် ဖွဲ့စည်းခဲ့သည်။

ဆက်စပ် အဖွဲ့ဝင်များအဖြစ် ပအိုဝ်းအမျိုးသား လွတ်မြောက်ရေးအဖွဲ့ချုပ် PNLO၊ ပလောင်ပြည်နယ် လွတ်မြောက်ရေး တပ်ဦး PSLF၊ ရခိုင်ပြည်အမျိုးသားကောင်စီ ANC၊ လားဟူ ဒီမိုကရက်တစ်သမဂ္ဂ LDU၊ ဝ’ အမျိုးသားအဖွဲ့ချုပ် WNO နှင့် ကချင် အမျိုးသား အစည်းအရုံး KNO တို့ပါဝင်သည်။

ထိုအဖွဲ့များသည် အမျိုးသား တန်းတူရေး၊ ပြည်နယ်အတွင်း ကိုယ်ပိုင်ပြဋ္ဌာန်းခွင့် အပြည့်အဝ ရှိသော ဖက်ဒရယ်
ပြည်ထောင်စု တည်ဆောက်ရေးတို့ အတွက် ဖွဲ့စည်းခဲ့ပြီး ငြိမ်းချမ်းရေး၊ အပစ်ခတ် ရပ်စဲရေးများ လုပ်ဆောင်ရာတွင် အတူတကွ လုပ်ဆောင်ကြရန် ကတိကဝတ်များ ရှိခဲ့ကြသည်ဟု UNFC အဖွဲ့ဝင် ကရင်အမျိုးသား အစည်းအရုံး -KNU အထွေထွေအတွင်းရေးမှူး နော်စီဖိုးရာစိန် ကပြောသည်။

“UNFC အနေနဲ့ အားလုံးသဘောတူထားတာက ငြိမ်းချမ်းရေး ဆွေးနွေးတဲ့အခါမှာ တိုင်းရင်းသား ကိုယ်စားလှယ် အဖွဲ့တွေအနေနဲ့ တဖွဲ့ချင်းစီမဟုတ်ဘဲ အဖွဲ့တွေအားလုံးတွေ့ပြီးမှ ဆွေးနွေးဖို့ ကျမတို့အားလုံးလက်ခံတယ်” ဟု နော်စီဖိုးရာစိန် က မဇ္ဈိမကိုပြောသည်။

မြန်မာအစိုးရက အပစ်ရပ်စဲထာခြင်း မရှိသည့် အခြားသော UNFC အဖွဲ့ဝင် တိုင်းရင်းသား လက်နက်ကိုင် အဖွဲ့များ
ဖြစ်သည့် မွန်ပြည်သစ် လက်နက်ကိုင်အဖွဲ့ နှင့် ရှမ်းပြည်တပ်မတော် တို့ကိုလည်း တဖွဲ့ချင်းစီ ဆွေးနွေးရန် ကြိုးပမ်းနေသည်ကို တွေ့ရသည်။

ရှမ်းဒုက္ခသည်များ အကူအညီပြတ်

ရှမ်းဒေသ စစ်ပြေး ဒုက္ခသည် ၃၀၀၀၀ ကျော်အတွက် စားနပ် ရိက္ခာ၊ သောက်သုံးရေနှင့် အမိုးအကာများ ရရှိရန် နိုင်ငံ တကာ အကူအညီ လိုအပ်နေကြောင်း လူ့အခွင့်အရေး အဖွဲ့ ၂ ခုက ဗုဒ္ဓဟူးနေ့တွင် ပြောလိုက်သည်။

ရှမ်းပြည်နယ် တောတွင်းတနေရာတွင် ရောက်ရှိနေသူများနှင့် ဆေးဝန်ထမ်းတဦး (ဓာတ်ပုံ - tai4freedom.info)

မတ်လက စတင်ခဲ့သော ရှမ်းဒေသရှိ တိုက်ပွဲများကြောင့် မြို့နယ် ၉ ခုမှ ဒေသခံ အများအပြား တရုတ်နယ်စပ်၊ ထိုင်းနယ် စပ်နှင့် တောတောင်များထဲတွင် ခိုလှုံနေရသည်ဟု ရှမ်းအမျိုးသမီးရေးရာ ဆက်သွယ် လှုပ်ရှားမှု ဆောင်ရွက်ရေး အသင်း (SWAN) နှင့် ရှမ်းလူ့အခွင့်အရေး ဖောင်ဒေးရှင်းတို့ ပူးတွဲထုတ်ပြန်သည့် သတင်းထုတ်ပြန်ချက်က ဆိုသည်။

နိုင်ငံတကာ အကူအညီများ မရောက်ရှိနိုင်သည့် အတွက် ရိက္ခာ၊ သောက်သုံးရေ၊ ဆေးဝါး ပြတ်လပ်ခြင်း၊ အမိုးအကာ လုံလောက်မှု မရှိခြင်း တို့နှင့် ရင်ဆိုင်နေရကြောင်း၊ ဝမ်းလျှော ဝမ်းပျက်၊ ငှက်ဖျားစသည့် ရောဂါများ ဖြစ်ပွားပြီး သေဆုံးရသည့် သက်ကြီးရွယ်အိုနှင့် ကလေးငယ် ၂၄ ဦး ရှိပြီ ဖြစ်ကြောင်း ထုတ်ပြန်ချက်တွင် ဖော်ပြထားသည်။

“နောက်ထပ် အသက်များစွာ မဆုံးရှုံးခင် ဒီ လူသားချင်း စာနာမှု အထောက်အကူတွေ လိုအပ်နေတယ်၊ နိုင်ငံတကာ အလှုရှင်တွေ အမြန်ဆုံး တုံ့ပြန်ကြပါလို့ တိုက်တွန်းချင်ပါတယ်” ဟု SWAN အဖွဲ့မှ နန်းဆိုင်မွန်းက ပြောသည်။

မြန်မာ အစိုးရက တင်းတင်းကျပ်ကျပ် ထိန်းချုပ်မှုများ ရှိနေသည့် အတွက် စစ်ပြေး ဒုက္ခသည်များအတွက် အကူအညီကို ထိုင်းမြန်မာ နယ်စပ်မှ တဆင့် ပေးမှသာလျှင် ထိရောက်မည်ဟု သူက ဆိုသည်။

ရှမ်းပြည်နယ်မှ စစ်ပြေး ဒုက္ခသည်များအကြောင်း သတင်းထုတ်ပြန်သည့် အဖွဲ့ ၂ ဖွဲ့သည် ထိုဒေသအတွင်း လူ့အခွင့်အရေး အခြေများကို စုံစမ်း၊ မှတ်တမ်းတင်သော အဖွဲ့များ ဖြစ်သည်။

ဤအတောအတွင်း ရှမ်းပြည်နယ်တွင် တိုက်ပွဲများ ဆက်လက် ဖြစ်ပွားနေသည်။

ဗုဒ္ဓဟူးနေ့က ရှမ်းပြည် တပ်မတော် (SSA) တောင်ပိုင်း နှင့် မြောက်ပိုင်း တပ်ဖွဲ့များ ပူးပေါင်း၍ ကျေးသီးမြို့နှင့် မိုင်းနောင်မြို့ ကားလမ်းပေါ်ရှိ ၀မ့်ဟိန်ကျေးရွာတွင် လှုပ်ရှားနေသော အစိုးရတပ်များကို ခြုံခို တိုက်ခိုက်ခဲ့ကြောင်း SSA မြောက်ပိုင်းမှ ဗိုလ်မှူး စိုင်းလှက ဧရာဝတီကို ပြောသည်။

“ကျနော်တို့က စောင့်တိုက်တယ် ဆိုတော့ ထိခိုက်မှု မရှိပါဘူး၊ သူတို့ဘက်က ၄ ယောက်ကျပြီး ၆ ယောက် ဒဏ်ရာရသွားတယ်” ဟု သူက ဆိုသည်။

တိုက်ပွဲ ဖြစ်ပွားချိန်တွင် နှစ်ဖက်စစ်သည် အင်အား ၅၀ ခန့်ရှိကြောင်း၊ တိုက်ပွဲများ ထပ်မံ ဖြစ်ပွားသည့် သတင်း မကြားမိကြောင်း ဗိုလ်မှူး စိုင်းလှက ဆက်ပြောသည်။

SSA တောင်ပိုင်းသည် အစိုးရနှင့် အပစ်အခတ် ရပ်စဲခြင်း မပြုဖူးသည့် အဖွဲ့ဖြစ်သည်။ မကြာသေးမီက SSA တောင်ပိုင်း နှင့် မြောက်ပိုင်းသည် နိုင်ငံရေး၊ စစ်ရေး ပူးပေါင်းဆောင်ရွက်ရန် သဘောတူထားသည်။

အာဏာပိုင်တို့က ၂ဝ၁ဝ ရွေးကောက်ပွဲ မတိုင်မီကပင် လက်နက်ကိုင် တိုင်းရင်းသား အဖွဲ့များကို နယ်ခြားစောင့်တပ်များအဖြစ် အသွင်ပြောင်းရေး ကြိုးပမ်းခဲ့သည်။ ထိုအစီအစဉ်ကို လက်မခံသည့် အဖွဲ့ထဲတွင် SSA မြောက်ပိုင်းလည်း ပါဝင်သည်။

SSA တိုက်ပွဲသတင်း

ရှမ်းပြည်တပ်မတော် SSA မြောက်ပိုင်း ဌာနချုပ် ၀မ့်ဟိုင်းကို တိုက်ခိုက်နေတဲ့ အစိုးရတပ်တွေ ရုပ်သိမ်းသွားပြီ ဆိုပေမယ့် တပ်ရင်း(၁၀)ရင်းကျော် ကျန်ရှိနေပြီး နေ့စဉ်လိုလို တိုက်ပွဲများ ဖြစ်ပွားနေသည်ဟု SSA ကပြောသည်။

“ဒီနေ့မနက် ၆နာရီ မိနစ် ၂၀ မှာ ကျေးသီးနဲ့ မိုင်းနောင်ကြား ၀မ့်ဖိန်းရွာ အနီးမှာ SSA တောင်ပိုင်းနဲ့ မြောက်ပိုင်းပူးပေါင်းတပ်က အစိုးရတပ်ကိုဖြတ်တိုက်တာ အစိုးရတပ်က ၄ ယောက်ကျပြီး ၆ ယောက် ဒဏ်ရာရတယ်။” ဟု SSA ပြောခွင့်ရပုဂ္ဂိုလ် ဗိုလ်မှူး စိုင်းလက ပြောသည်။

ထို့အပြင် ယခုလ(၈) ရက်နေ့ မွန်းလွဲပိုင်းကလည်း ၀မ့်ဟိုင်းဌာနချုပ်အနီး တစ်ဖာလုံခန့်ရှိ အစိုးရတပ်ဖွဲ့များထံ ရိက္ခာလာပို့သည့် တပ်ဖွဲ့အား မိုင်းနောင်နှင့် မိုင်းရှူး ကားလမ်းပေါ်တွင် မြောက်ပိုင်း SSA တပ်ရင်း (၈၀၁) က ခြုံခို တိုက်ခိုက်လိုက်ပြီး ရိက္ခာများကို သိမ်းယူလိုက်သည်ဟု ၎င်းက ဆက်ပြောသည်။

“မိုင်းနောင်ကနေ ကျနော်တို့ ဂိတ်နဲ့ တစ်ဖာလုံပဲ ကွာနေတဲ့ သူတို့ တပ်ကိုပေ့ါ။ အဲဒီလမ်းခွဲမှာ သူတို့ ရိက္ခာပို့တယ်။ နောက်အဲဒီ မိုင်းရှူးကနေလည်း ပို့တယ်။ ဒါကြောင့် အဲဒီရိက္ခာပို့တဲ့ ယာဉ်တွေကို ကျနော်တို့လူတွေက လမ်းကနေ ဖြတ်တိုက်ပြီးတော့ အဲဒီရိက္ခာတွေကို ကျနော်တို့လူတွေ လုယူ လိုက်တယ်ပေ့ါ။ ၀မ့်ဆော့ကနေ အရှေ့ဖက်ပေ့ါ။ စေတီကုန်းဆိုတဲ့နေရာမှာ ခြုံခို တိုက်တာ အစိုးရတပ်က (၁၂) ဦးကျပြီး (၈) ဦး ဒဏ်ရာရတယ်ဗျ။”

အစိုးရ တပ်များက ၀မ့်ဟိုင်းဌာနချုပ်အား ပိတ်ဆို့ထားသည့် အတွက် ရေရှည်တွင် ၎င်းတို့အနေဖြင့် စားရေ ရိက္ခာ အခက်အခဲဖြစ်မည် စိုးသည့်အပြင် အစိုးရတပ်၏ စစ်ရေးပြင်ဆင်မှုများအား နှောင့်ယှက်သည့် အနေဖြင့် ရိက္ခာယာဉ်တန်းများအား တိုက်ခိုက်ခြင်း ဖြစ်သည်ဟု ဆက်လက် ပြောဆိုသည်။

ထို့အပြင် အခုလ (၃) ရက်နေ့မှစ၍ SSA တပ်ဖွဲ့ ဌာနချုပ် ၀မ့်ဟိုင်းအနီးတွင် တပ်စွဲထားသည့် အစိုးရတပ်များထံသို့ ဖက်ပေါင်းစုံမှ ရိက္ခာတင်ပို့နေသည့် အစိုးရတပ်များအား SSA က ခြုံခို တိုက်ခိုက် နေသဖြင့် တိုက်ပွဲများနေ့စဉ် ဖြစ်ပွားနေသည်။

လောလောဆယ်တွင် ၀မ့်ဟိုင်းအနောက်မြောက်ဖက်ရှိ ၀မ့်မိုတ်၊ နမ့်ပုတ် ဒေသတ၀ိုက်တွင် အစိုးရ ခြေမြန်တပ်ရင်း ခမရ (၅၀၁)မှ (၅၀၅) အထိ တပ်ရင်း(၅)ရင်းနှင့် ခြေလျင်တပ်ရင်း ခလရ (၂၈၆) ပေါင်း တပ်ရင်း(၆)ရင်းက နေရာယူထားပြီး ကျေးသီးနှင့် မိုင်းရယ်ဖက်မှ ရိက္ခာများ တင်ပို့နေသည်။

အလားတူ ၀မ့်ဟိုင်းအရှေ့ဖက်တွင် ခြေလျင်တပ်ရင်း ခလရ (၉)၊ (၁၂)နှင့် (၂၈၇) တပ်ရင်း (၃) ရင်း တပ်စွဲထားပြီး ယင်းတပ်များကို မိုင်းနောင်နှင့် မိုင်းရှူးဖက်မှ ရိက္ခာ တင်ပို့သည်။ ထိုတပ်ရင်းများအား ခြေလျင်တပ်ရင်း ခလရ (၆၇)၊ (၁၃၁)နှင့် (၂၄၃) တပ်ရင်း (၃) ရင်းက ရိက္ခာ သယ်ပို့နေခြင်း ဖြစ်သည်။

တိုက်ပွဲများကြောင့် ဒေသတွင်း ထွက်ပြေးပုန်းရှောင်နေသည့် စစ်ပြေးဒုက္ခသည်များအား အစိုးရတပ်က ဆန်များ ဝေငှပေးနေသည်ဟု သတင်းများ ထွက်ပေါ်နေသည့်အပေါ် “အဲဒီကိစ္စက ဟန်ပြပါ။ ဘုန်ကြီးကျောင်းမှာ သူတို့ သွားထားပြီးတော့ လေးငါးအိတ်လောက်ပဲ ရွာသားတွေ အတွက် ပေးပြီးတော့ ခပ်များများက သူတို့ တပ်ရိက္ခာ သွားဖြည့်တာပါ။” ဟု ဗိုလ်မှူး စိုင်းလက ပြောသည်။

ထို့အပြင် ဌာနချုပ်အနီး တပ်စွဲထားသည့် တပ်ဖွဲ့များက ၀မ့်ဟိုင်းအနီး ပုန်ထွမ်နှင့် နမ့်မော် ကျေးရွာများသို့ဝင်ရောက်၍ ဈေးဆိုင်များမှ စားသောက်ဖွယ်ရာများအား ယူငင်စားသောက် နေကြပြီး ကျေးရွာအနီး ပစ်ခတ်တိုက်ခိုက်ခံရပါက ထိုရွာအား မီးရှို့ဖျက်ဆီးမည်ဟု အစိုးရတပ်ကခြိမ်းခြောက်ထားကြောင်း ဆက်ပြောသည်။

ယခုအခါ ၀မ့်ဟိုင်းဌာနချုပ်ရှိ စာသင်ကျောင်းများ ပြန်လည် ဖွင့်လှစ်ရန် အစိုးရက ကျောင်းဆရာမများ စေလွတ်ခဲ့သော်လည်း အခြေအနေ ငြိမ်သက်မှု မရှိသေးသည့် အတွက် ကျောင်းများ ပြန်မဖွင့်နိုင်သေးပေ။

လွန်ခဲ့သည့် ဇူလိုင်လမှ စတင်၍ အစိုးရတပ်က ၀မ့်ဟိုင်းဌာနချုပ်အား ထိုးစစ်ဆင် တိုက်ခိုက်လျက် ရှိရာ စာသင်ကျောင်းများလည်း ပိတ်ထားရပြီး ထောင်နှင့် ချီသည့် အရပ်သားများ ဘေးလွတ်ရာသို့ ထွက်ပြေးခိုလှုံနေကြသည်။

လက်ရှိဖြစ်ပွားနေသော တိုင်းရင်းသားဒေသများမှ စစ်ပွဲများ ရပ်ဆိုင်းစေရေးအတွက် ဒေါ်အောင်ဆန်းစုကြည်နှင့် စာရေးဆရာကြီး ဒဂုန်တာရာအပါအ၀င် လွှတ်တော် ကိုယ်စားလှယ် များက ပြည်တွင်း ငြိမ်းချမ်းရေး အတွက် ဆောင်ရွက်ရန် တိုက်တွန်းနေသည်။

အာဇာနည်နေ့

မမေ့သင့်ပါပေ
တကယ်မမေ့အာဇာနည်နေ့ 
ခေါင်းဆောင်ကြီးတွေဆုံးရှုံးရတဲ့ နေ့ 
ရက်စက်ကြပေ၊ယုတ်မာကြပေ၊
အမျိုးယုတ်တတွေ။။။
တမျိုးသားလုံးမျက်ရည်မဆည်နိုင်တဲ့ နေ့ 
ခွေယိုင်ကာနွမ်းလျ
ပူဆွေးသောက ဗျာပါဒ
ယနေ့ ထက်တိုင်မေ့မရတဲ့ နေ့ ။။။
ခေါင်းဆောင်ကြီးတွေမရှိကြတော့
စည်းလုံးမှုက ကြိုးပြေ
ငါတလုံးကိုခဲ လက်နက်တွေကိုစွဲ
တဗုန်းဗုန်းတအုံးအုံးနဲ့ 
မငြိမ်းချမ်းနိုင်ဆဲယနေ့ ထက်တိုင်ပဲ။။။
ယနေ့ ဖြင့်ဒို့ လူငယ်
မမေ့လိုက်ပါနဲ့ ကွယ်
အာဇာနည်ထုံးနှလုံးဝယ်
ပြည့်အရေးအသက်ပေးကာကွယ်
မမေ့လိုက်ပါနဲ့ ( ၆၄ )မြောက်
အာဇာနည်နေ့  ကိုကွယ်။။။

SSA-N/SSPP ဒေသတွင်း တိုက်ပွဲများ ပိုမို ပြင်းထန်လာ

ရှမ်းပြည်တပ်မတော် မြောက်ပိုင်း (SSA-N) ခေါ် ရှမ်းပြည်တိုးတက်ရေးပါတီ (SSPP) တပ်ဖွဲ့က အစိုးရတပ်စခန်းတခုအား ယခုလ (၁၂) ရက်နေ့က တိုက်ခိုက်သိမ်းပိုက်လိုက်သည့်နောက် ဒေသတွင်း တိုက်ပွဲများ ပိုမိုပြင်းထန်လာသည်ဟု သတင်းရရှိသည်။

အသိမ်းပိုက်ခံထားရသည့် နမ့်ပုတ်စခန်းသို့ လမ်းကြောင်း သုံးခုခွဲ၍ စစ်ကူဝင်ရောက်လာသည့် အစိုးရတပ်ဖွဲ့များအား မြောက်ပိုင်း SSA-N တပ်ဖွဲ့ဝင်များက ပြောက်ကျားစံနစ်ဖြင့် တိုက်ခိုက်လျက်ရှိသည်ဟု ထိုင်းနိုင်ငံအခြေစိုက် ရှမ်းသံတော်ဆင့် သတင်းဌာန အယ်ဒီတာ ဦးစိန်ကြည်က ယခုလိုပြောသည်။

“(၁၃) ရက် ညနေပိုင်းက တုံလော ဖက်ကသွားတဲ့ ခမရ (၅၁၀)ကို မိန်းတုန်နဲ့ မိန်းလာ အကြားမှာရှိတဲ့ ကျဉ်းမြောင်းတဲ့တောင်ကြားပေ့ါ။ သူတို့အခေါ် နိုင်းချောင်းပေ့ါ။ အဲဒီမှာ ရှမ်းတပ်က နေရာယူပြီး ပြောက်ကျား ချတာ အတုံးအရုန်း ကစဥ့်ကလျား ဖြစ်ကုန်တယ်တဲ့။ ခုထိ ရှေ့မတိုးနိုင် သေးဘူးလို့ ပြောတယ်။ အနည်းဆုံး (၇)ယောက် (၈) ယောက်လောက် ကျေးသီးဆေးရုံကိုထမ်းပို့ရတယ်ပြောတယ်။”

အလားတူ ယနေ့နံနက် (၇) နာရီ အချိန်ခန့်က ကျေးသီးမြို့နယ်၊ ၀မ့်ဖွီးတိုက်နယ်အတွင်းရှိ ၀မ့်နောင်ကားကျေးရွာဘက်မှ တက်လာသည့် ခြေလျင်တပ်ရင်း ခလရ(၉) တပ်ဖွဲ့ကိုလည်း ပြောက်ကျားစံနစ်ဖြင့် စောင့်ကြိုတိုက်ခိုက်လိုက်သည်ဟု သိရသည်။

ထို့အပြင် နမ့်ပုတ်စခန်း နှင့် လွယ်ကုံစခန်းအကြားရှိ အစိုးရတပ်စခန်းတခုအား မြောက်ပိုင်း SSA-N တပ်ဖွဲ့ဝင်များက ၀ိုင်းရံပိတ်ဆို့ထားသည်ဟု ဦးစိန်ကြည်က ဆက်လက်ပြောဆိုသည်။

“အဲဒီ စခန်းထဲမှာ ဗမာ စစ်သားက (၁၀)ယောက်လောက် ပိတ်မိနေတယ်တဲ့။ အဲတာ ရှမ်းတပ်က အခုထက်ထိ ၀ိုင်းထားတုန်း။ သူတို့ကို အရှင်ဖမ်းမယ်။ လက်နက်ချဖို့ပြောနေတယ်။ နောက်ပြီးတော့ ၀မ်မုံနားမှာ မိန်းလာတိုက်နယ် နမ့်လာရွာ အကျော်ပေ့ါ။ အဲဒီမှာလည်း ခလရ (၂၂) ကို ဒီနေ့မွန်းလွဲပိုင်းမှာ ရှမ်းတပ်က စောင့်ပစ်တယ်။”

ယမန်နေ့က နမ့်ပုတ်စခန်းမှ ဆုတ်ခွာသွားပြီး လွယ်ဆိုင်းတောင်ကျောပေါ်တွင် နေရာယူထားသည့် အစိုးရတပ်ဖွဲ့များအား မြောက်ပိုင်း SSA-N တပ်ဖွဲ့များက ၀ိုင်းရံထားသည့်အတွက် အစိုးရဖက်မှ တိုက်လေယာဉ် နှစ်စင်းဖြင့် လာရောက်ကြည့်ရှူ့ခဲ့သေးသည်။

လက်ရှိ ဖြစ်ပွားနေသည့် အခြေအနေအပေါ် ဦးစိန်ကြည်က “တခုလုံး ယေဘုယျခြုံပြောမယ်ဆိုရင် ရှမ်းတပ်က အသာစီးရနေတယ်။ သူတို့ ၀မ့်ဟိုင်းဌာနချုပ် ကို ပတ်ပတ်လည်ကနေ ၀င်လာတဲ့ နအဖ ဗမာစစ်တပ် မှန်သမျှ သူတို့က ကြားဖြတ်ပြီးမှ ပြောက်ကျား စောင့်ပစ်နေတယ်။ မိန်းယိုင်ဖက်က သွားတယ်။ တုံလောဖက်က သွားတယ်။ မိန်းနောင်ဖက်က သွားတယ်။ မိန်းတုံမိန်းလာဖက်ကနေ သွားတယ်။” ဟု သုံးသပ်ပြောဆိုသည်။

တိုက်ပွဲဖြစ်ပွားရာ နေရာသို့ ဘက်ပေါင်းစုံမှ စစ်ကူပို့ဆောင်လာသည့် အစိုးရတပ်အင်အား (၃၀၀) ခန့် ရှိပြီး မြောက်ပိုင်း SSA-N ဖက်မှ ဌာနချုပ် လုံခြုံရေးတပ်ရင်း (၅) ရင်းရှိသည်ဟု သိရသည်။

မြောက်ပိုင်း SSA-N သိမ်းပိုက်ထားသည့် စခန်းမှာ SSA-N ဌာနချုပ် ၀မ့်ဟိုင်းဒေသ အနောက် မြောက်ဖက်၊ ကျေးသီးမြို့၏ အရှေ့မြောက်ဖက်နှင့် မိုင်းရယ်မြို့၏ အရှေ့တောင်ဖက်တွင် တည်ရှိပြီး ယင်းဒေသတ၀ိုက်တွင် တိုက်ပွဲများ ဖြစ်ပွားနေခြင်းဖြစ်သည်။

စစ်အစိုးရလက်ထက် နယ်ခြားစောင့်နှင့် ဌာနေပြည်သူ့စစ် အသွင်ပြောင်းရေးကို မြောက်ပိုင်း SSA-N က လက်မခံငြင်းဆန် ခဲ့ပြီးနောက် အစိုးရသစ် လက်ထက် လွန်ခဲ့သည့် မတ်လ (၁၃) ရက်နေ့မှ စတင်၍ အစိုးရတပ်ဖွဲ့များက ထိုးစစ်ဆင် တိုက်ခိုက်ခဲ့သည်။

ကချင်ရွှာသား ၁၂ဦးကိုနှိပ်စက်တဲ့ရဲတွေအတိုင်ခံရ

ချင်းမိုင်(မဇ္စျိမ) ။ ။ လမ်းပြင်နေသည့် ကချင်ရွာသား ၁၂ ဦးကို သူပုန်ဟု စွပ်စွဲကာ ညှင်းပန်းနှိပ်စက်ခဲ့သော ရဲ ၂ ဦးကို အရေးယူရန် တိုင်ချက်ဖွင့်ထားသည်။

ကချင်ပြည်နယ် မြောက်ပိုင်း ပူတာအိုခရိုင် နောင်မွန်း-မချမ်းဘောလမ်း ပြုပြင်နေသည့် ရွာသားများကို ကချင်လွတ်မြောက်ရေး အဖွဲ့ဝင်များဟု စွပ်စွဲပြီး ညှင်းပန်းနှိပ်စက်ခဲ့မှု ဖြစ်ပွားခဲ့သည်ဟု ရွာသားများဘက်မှ ကူညီဆောင်ရွက်ပေးနေသည့် ခရစ်ယာန်သင်းအုပ် ဆရာတော် ဦးနော်ဒင်းက ပြောသည်။

ဇွန်လ၂၁ ရက်နေ့က နောင်မွန်းမြို့မှ ၁ဝ မိုင်အကွာရှိ မကွေဇာနှင့် ဒဇယ်ထုကျေးရွာအကြား ကားလမ်း ပြုပြင်နေသည့် ဦးချမ်းဒီးရမ် ဦးဆောင်သည့် ဒေသခံ ၁၂ ဦးတို့ နေ့လည် ထမင်းစား နားနေချိန်တွင် ခေါင်လန်ဖူး ရဲစခန်းမှူး ဒုရဲအုပ် သောင်းထွန်းမော်၊ တပ်သား အောင်တိုးတို့မှ “ကချင်မှန်သမျှ KIA သူပုန်ဖြစ်သည်”ဟု ပြောကာ ရိုက်နှက်ခဲ့ခြင်းကြောင့် ယင်းရွာသားများက ပူတာအိုခရိုင် ရဲစခန်းသို့ တိုင်ကြားထားသည်။

အထက်ပါ ဒေသခံများမှာ ရပ်ဘော့ရွာ၊ ဂတ်ထုရွာ၊ ဒန်ဆယ်ထုရွာနှင့် နောင်မွန်းမြို့တို့မှ ရွာသားများဖြစ်ပြီး ယင်းတို့ကို သေနတ်ဖြင့် ဦးခေါင်းကို ရိုက်နက်သည့်အပြင် ၂ နာရီခန့်ကြာ ဒူးထောက်ခိုင်းခဲ့သည်ဟု တိုင်တန်းချက်တွင် ပါရှိသည်။

ရဲ ၅ ယောက် ရောက်လာခဲ့ကြခြင်း ဖြစ်သော်လည်း နှိပ်စက်မှုပြုခဲ့သူများကိုသာ ရွာသားများက ရွေးထုတ် တိုင်ကြားခြင်း
ဖြစ်သည်။

ရိုက်နှက်ခံရသည့်နေ့ ဇွန် ၂၁ ရက်နေ့တွင်ပင် နောင်မွန်းခရိုင်တရားရုံးသို့ တိုင်တန်းခဲ့သော်လည်း တရားရုံးက ရဲအရေး မပိုင်သည့်အမှု ဖြစ်သည်ဟု ဆိုကာ လက်မခံခဲ့သလို၊ နောင်မွန် ရဲမှူးကလည်း အမှုတိုင်ကြားခြင်း မပြုရန်နှင့် တယောက်လျှင် ကျပ် ၅ သိန်းဆီဖြင့် ကျေအေးရန် ပြောဆိုခဲ့သည်ဟု သင်းအုပ်ဆရာတော် ဦးနော်ဒင်းက ပြောသည်။ ထို့ကြောင့် ပူတာအိုခရိုင် ရဲစခန်းသို့ တိုင်ကြားရခြင်း ဖြစ်သည်ဟုလည်း သူက ဆိုသည်။

ပူတာအိုခရိုင် ရဲစခန်းသို့ အမှုဖွင့်တိုင်ကြားခဲ့သော်လည်း ရဲမှူး ဦးမော်ထွန်းမှ ယနေ့ထိ ပြန်လည် အကြောင်းကြားလာခြင်း မရှိသေးသလို၊ နောက်ထပ် ၁ဝ ရက်ခန့်ကြာ အချိန်စောင့်ပြီး အမှုကိုင်တွယ်ပေးခြင်း မရှိပါက နေပြည်တော်အဆင့်ထိ တိုင်ကြားရန် စီစဉ်နေသည်ဟု ဦးနော်ဒင်းက ဆက်ပြောသည်။

ထိုဒေသခံ ရွာသားများမှ ဆက်လက် တိုင်ကြားရန် ဆန္ဒရှိပါက နေပြည်တော် သို့မဟုတ် ကမ္ဘာ့အလုပ်သမား အဖွဲ့ချုပ်-ILO ထိ တိုင်ကြားရန် စီစဉ်မည် ဖြစ်ကြောင်း ယင်းကစ္စအား လိုက်ပါ ကူညီပေးနေသူ အမျိုးသား ဒီမိုကရေစီ အင်အားစု NDF မှ ကချင်ပြည်နယ် အဖွဲ့ဝင် ဒေါ်ဘောက်ဂျာက ပြောသည်။

သို့သော် ရွာသားများအနေဖြင့် ပူတာအိုမှ ရန်ကုန်မြို့သို့ လာရောက်ရန် လမ်းစရိတ် အနည်းဆုံး ကျပ် ၃ သိန်းခန့် ကုန်ကျမည် ဖြစ်သောကြောင့် ရန်ကုန်သို့ သွားရောက်တိုင်တန်းရန်မှာ အတားအဆီးဖြစ်နေသည်။

ထိုစဉ်တွင် ဧည့်စာရင်းပိတ်ခံရသော ရန်ကုန်တိုင်း သံလျင်မြို့နယ် ဗိုလ်ချုပ်ရွာတွင် အိမ်ငှားနေသော ကချင်ကျောင်းသားများကို ရပ်ကွက်အုပ်ချုပ်ရေးမှူးမှ စုံစမ်းစစ်ဆေးမှု ပြုလုပ်နေပြီး နေရပ်ရင်းမှ ထောက်ခံစာယူရန်
ပြောဆိုထားသည်ဟု ယင်းကိစ္စကို အကျိုးဆောင်ပေးခဲ့သူ ဒေါ်ဘောက်ဂျာက ပြောသည်။

သို့သော်လည်း ကျောင်းသားများမှာ ခရီးလမ်းဝေးကွာလွန်းမှုနှင့် စားစရိတ်ကြောင့် ကြန့်ကြာမှုများ ရှိနေသည်။

မြန်မာပြည်မြောက်ပိုင်းရှိ KIA တပ်အားလုံး တပ်လှန့်ထား

ရှမ်းပြည်မြောက်ပိုင်းနှင့် ကချင်ပြည်နယ်ရှိ ရှေ့တန်းတပ်အားလုံးကို တပ်လှန့်ထားပြီး ရှေ့တန်းရှိ မြန်မာတပ်များအားလုံး မေ ၂၅၊ ယနေ့ နောက်ဆုံးထား ဆုတ်ခွာပေးရန် KIA ၏ တောင်းဆိုချက်ကို မြန်မာအစိုးရက မည်သို့ တုန့်ပြန်မည်ကို စောင့်ကြည့်နေသည်ဟု KIA က ဆိုသည်။

မိုးညှင်းမြို့နယ်၊ ဆင်ဘိုမြို့နယ်ခွဲ၊ ပန်ခေါန်အခြေစိုက် KIA တပ်ရင်း ၅ ကို ၀န်းရံထားသည့် မြန်မာတပ်စခန်း ၃ ခုပါ တပ်ဆုတ်ပေးရန် သတိပေးထားသည်။

ကချင်ပြည်နယ်အရှေ့ဘက် ရှေ့တန်းတစ်နေရာတွင် ရောက်ရှိနေတဲ့ KIA စစ်သားများ။

ကချင်လွတ်မြောက်ရေးအဖွဲ့ (KIO) ဗဟိုကော်မတီ၏ ထူးခြားသော ယင်းသတိပေးချက်မှာ တာပိန်မြစ်ရေးအားလျှပ်စစ်စက်ရုံနှစ်ခုအနီးရှိ ဒွမ်ဘွမ်ကရုန်အခြေစိုက် KIA တပ်ရင်း ၂၅ သို့ မြန်မာစစ်တပ်က ၇၅ မမ အမြောက်ဖြင့် ပစ်ခတ်ပြီးနောက် မေလ ၁၉ ရက်တွင် ထွက်ပေါ်လာခြင်းဖြစ်သည်။

၎င်းကို မြောက်ပိုင်းတိုင်းစစ်ဌာနချုပ်တိုင်းမှူး ဗိုလ်မှူးချုပ်ဇေယျာအောင်နှင့် ကချင်ပြည်နယ်ဝန်ကြီးချုပ် မဂျွယ်မရိုင်ဒူဝါ လဂျွန်ငန်ဆိုင်းထံ ပေးပို့ခဲ့သည်ဟု ဆိုသည်။

ဗဟိုမြန်မာအစိုးရက စစ်ရေးအရတုန့်ပြန်လျှင် ပြည်တွင်းစစ်ဖြစ်လာမည်ဟု လိုင်ဇာဌာနချုပ်မှ KIA အရာရှိများ ပြောသည်။

KIA တပ်ရင်း ၉ အနီး မြန်မာတပ်ကူ တပ်ရင်း ၂ ခု တိုးလာ

ရှမ်းပြည်မြောက်ပိုင်းရှိ ကချင်လွတ်မြောက်ရေးအဖွဲ့ KIA တပ်ရင်း ၉ အနီးသို့ မြန်မာစစ်တပ် တပ်ကူ တပ်ရင်း ၂ ခု တိုးလာသည်ဟု ဒေသခံများပြောသည်။

တပ်ရင်း ၉ သည် မြောက်ဘက် ကချင်ပြည်နယ်ရှိ KIA ဌာနချုပ်နှင့် ဆက်သွယ်ပေးပြီး အရှေ့ဘက်တွင် လွယ်ကန်အခြေစိုက် KIA တပ်မဟာ ၄ ဌာနချုပ်၊ ကိုးကန့်ဒေသနှင့် ‘၀’ ပြည်သွေးစည်းညီညွတ်ရေးတပ်မတော် (United Wa State Army, UWSA) ဒေသများကိုလည်း ဆက်သွယ်ပေးထားသည်။

မေ ၂၈ ရက် စနေနေ့တွင် လာရှိုးမြို့မှ တပ်ကူများ တပ်ရင်း ၉ အနီး ဒီမာကျေးရွာတွင် တပ်ချနေသည်ဟု ဒေသတွင်း စစ်ရေးစောင့်ကြည့်သူများက ပြောသည်။
ဒီမာတွင် ယင်းတပ်ကူမရောက်ခင်ကတည်းက မြန်မာ စစ်သားအင်အား ၆၀ ရောက်ရှိနေပြီးဖြစ်သည်ဟု ဆက်ပြောသည်။
မြန်မာစစ်သားများ KIA တပ်ရင်း ၉ နယ်မြေထဲဝင်ရောက်လာပါက စစ်ရေးအရ တုန့်ပြန်ရန် အသင့်အနေအထားတွင်ရှိနေသည် ဟု ၎င်းနှင့်နီးစပ်သူများ ဆိုသည်။
ဒီမာကို မြန်မာစစ်တပ်လက်အောက်ရှိ ပြည်သူ့စစ်က ထိန်းချုပ်ထားသည်။ ဒီမာကျေးရွာသည် ဒီမာချောင်းအရှေ့ဘက် KIA ထိန်းချုပ်သည့် ဒတ်နိုင်းကျေးရွာနှင့်ဆက်သွယ်ပေးထားသည်။
တပ်မဟာ ၄ အလယ်ကို ဖြတ်သန်းမည့် လမ်းဖောက်လုပ်နေမှုသည် ပြည်တွင်းစစ်သို့ဦးတည်လာနိုင်ကြောင်း KIA က သတိပေးပြီးနောက် မြန်မာအစိုးရက မေ ၁၄ ရက်တွင် ရပ်ဆိုင်းထားသည်။
ပြီးခဲ့သည့်နှစ် သြဂုတ်တွင် KIA သည် နယ်ခြားစောင့်တပ် (Border Guard Force, BGF) သို့ပြောင်းလဲရန် ငြင်းပယ်ပြီးနောက် မြန်မာစစ်တပ်နှင့် KIA ကြား စစ်ရေးတင်းမာမှု တိုးလာသည်။
မြန်မာနိုင်ငံတွင် ဒေါ်လာသန်းပေါင်းများစွာမြုပ်နှံထားသည့် တရုတ် က ၎င်းတို့အကျိုးစီးပွားကိုပျက်စီးစေမည့် မြန်မာစစ်တပ်နင့် KIA ကြား ပြည်တွင်းစစ်ပြန်ဖြစ်လာမည်ကို မလိုလားဟု ဒေသတွင်းစစ်ရေးလေ့လာသူများက ပြောသည်။
မေလ ၁၉ ရက်တွင် နေပြည်တော်အစိုးရအား KIA က မေလ ၂၅ ရက်နောက်ဆုံးထားပြီး တပ်ဆုတ်ပေးရန် သတိပေးခဲ့သည်။ ထို့အပြင် တပ်မဆုတ်ပါက ဖြစ်လာမည့်ကိစ္စရပ်များအတွက် နေပြည်တော်အစိုးရတွင် တာဝန်ရှိသည်ဟု ပါရှိသည်။

ပစ်ခတ်မှုအပြီး အစိုးရတပ်နှင့် KIA ကြား အပြန်အလှန်စောင့်ကြည့်နေကြ

မေ ၂၇၊ ပြီးခဲ့သည့်အပတ် သောကြာနေ့ မြန်မာစစ်တပ်နှင့် KIA ကြား တိုက်ပွဲငယ်ဖြစ်ပွားအပြီး တရက်ကြာ ရှေ့တန်းစစ်မျက်နှာမှ နှစ်ဖက်တပ်များ အပြန်အလှန် သတိထားစောင့်ကြည့်နေကြသည်ဟု KIA အရာရှိများပြောသည်။

မြန်မာပြည်ရှိ တိုင်းရင်းသားလက်နက်ကိုင် တပ်ဖွဲ့များတွင် ‘၀’ ပြည်သွေးစည်းညီညွတ်ရေးတပ်မတော် (UWSA) ပြီးရင် အင်အားအကြီးဆုံး ကချင်လွတ်မြောက်ရေးအဖွဲ့ (KIA) သည် လတ်တလော အစိုးရတပ်များ လှုပ်ရှားမှု များလာခြင်းကြောင့် ရှမ်းပြည်မြောက်ပိုင်းနှင့် ကချင်ပြည်နယ်ရှိ ၎င်း၏တပ်ဖွဲ့အားလုံးကို တပ်လှန့်ထားရသည်ဟု KIA အရာရှိများပြောသည်။

ကေအိုင်အေ စစ်သားများ။

မုန်ညန်(မိုးညှင်း)မြို့နယ်၊ ဆင်ဘိုမြို့နယ်ခွဲ၊ ပန်ခေါန် KIA တပ်ရင်း ၅ အနီး နေရာယူထားသည့် မြန်မာတပ်စခန်း ၃ အခုအပါအ၀င် ကျန် KIA တပ်စခန်းများအနီးရှိ မြန်မာစစ်တပ်အားလုံးကို မေ ၂၅ ရက်နောက်ဆုံးထား တပ်ဆုတ်ခွာပေးရန် အစိုးရစစ်တပ်အား သတိပေးစာပေးပြီးနောက် KIA တပ်များအားလုံးကို တပ်လှန့်ထားခြင်းလည်းဖြစ်သည်။

ယခုချိန်ထိ KIA တပ်ရင်း ၅ နှင့် ကိုက် ၃၀၀ အကွာရှိ အစိုးရစစ်စခန်းများကို အနည်းငယ် နောက်ဆုတ်ပေးခြင်း ရှိသော်လည်း တပ်များ လုံးဝဆုတ်ခွာပေးခြင်း မရှိကြောင်း ကချင်ပြည်နယ် KIA လိုင်ဇာ ဌာနချုပ်မှ အရာရှိများပြောသည်။

KIA က နှစ်ပြည်နယ်ရှိ ၎င်း၏အမြဲတန်းတပ်ဖွဲ့များ၊ ကျေးလက်ကာကွယ်ရေးတပ်များနှင့် အသစ်ဖွဲ့စည်းထားသည့် ပြည်သူ့ကာကွယ်ရေးတပ်ဖွဲ့ (KIA ပြည်သူ့စစ်) များအား မြန်မာစစ်သားများ မိမိနယ်မြေထဲသို့ ကျူးကျော်ဝင်ရောက်လျင် ဟန့်တားပစ်ခတ်ရန် ပစ်မိန့် ပေးထားသည်။

သောကြာနေ့ ကချင်ပြည်နယ်၊ မန်မော်(ဗန်းမော်)ခရိုင်၊ မန်ဂျေ(မံစီ) မြို့နယ်၊ ရှဒန်ဂါးဂေါ့၊ ၀မိကောင်၌ မြန်မာစစ်တပ်နှင့် KIA တပ်ရင်း ၂၇ ကြား ပစ်ခတ်မှု မိနစ်အတော်ကြာ ဖြစ်ပွားခဲ့သည်။

ယင်းပစ်ခတ်မှုအတွင်း KIA ဘက် သေဆုံး ထိခိုက်ဒဏ်ရာမှု တစုံတရာ မရှိသော်လည်း မြန်မာစစ်တပ်ဘက်မှ သတင်းမသိရပါ။

မည့်သည့် KIA တပ်စခန်းတွင်ဖြစ်စေ အစိုးရတပ်များချဉ်းကပ်ဝင်ရောက်လာပါက အချိန်မရွေး ပစ်ခတ်မှုများ ဖြစ်လာမည်ဖြစ်ကြောင်း လိုင်ဇာဌာနချုပ်မှ KIA အရာရှိများပြောသည်။

တိုင်းရင်းသား နိုင်ငံရေးရပိုင်ခွင့်ရှိသည့် စစ်မှန်သောပြည်ထောင်စုကို ပြန်လည်ထူထောင်ရန် ရည်ရွယ်ချက်ဖြင့် တိုင်းရင်းသား နိုင်ငံရေးနှင့် စစ်ရေးမဟာမိတ်အဖွဲ့ “ညီညွတ်သောတိုင်းရင်းသားလူမျိုးများ ဖယ်ဒရယ်ကောင်စီ (United Nationalities Federal Council, UNFC)” ကို KIA ဦးဆောင်မှုဖြင့် ယခုနှစ် ဖေဖေါ်ဝါရီလတွင် ဖွဲ့စည်းခဲ့သည်။

၂၀၀၈ ဖွဲ့စည်းပုံအစိုးရသစ် သမ္မတ ဦးသိန်းစိန်၏ မေ ၂၆ တွင်စတင်သည့် တရုတ်ပြည် ၃ ရက်ခရီးစဉ်ကို UNFC က လေ့လာအကဲခတ်နေသည် ဟု ဆိုသည်။